‘जसले मलाई शक्ति दिनुहुन्छ, उहाँमा नै म सब कुरा गर्न सक्छु ।’ —रोमी ८:२६
जीवनले तपाईंलाई कमजोर बनाउन सक्छ । तपाईं त्यो ठाउँमा पुग्न सक्नुहुन्छ जहाँ तपाईंको चिन्ता यति गहिरो हुन्छ वा तपाईंको तनावको स्तर यति उच्च हुन्छ कि तपाईंले स्पष्ट रूपमा सोच्न सक्नुहुन्न । तपाईंले अनुभव गरिरहनुभएको समस्या वा पीडा यति ठूलो छ कि तपाईं यसलाई शब्दहरूमा व्यक्त गर्न सक्नुहुन्न । शुभ समाचार यहाँ छः त्यस्तै समयमा तपाईंभित्र बास गर्नुहुने पवित्र आत्माले तपाईंको लागि र तपाईंमार्फत प्रार्थना गर्नुहुन्छ । जब तपाईंले आफ्नो बोझ प्रभुमा ल्याउनुहुन्छ र उहाँको उपस्थितिमा घुँडा टेक्नुहुन्छ, त्यहाँ एउटा अद्भूत कुरा हुन्छ । सन्देश बाइबलमा, युजिन पिटर्सनले यो कुरालाई यसरी व्याख्या गरेका छन्ः ‘पवित्र आत्मा हामीलाई सहायता गर्न हामीसँगै हुनुहुन्छ… कसरी प्रार्थना गर्नुपर्ने हो हामी जान्दैनौँ भने पनि केही छैन । शब्दहरूमा व्यक्त गर्न नसकिने सुस्केरामा पवित्र आत्माले हामीमा र हाम्रो निम्ति प्रार्थना गर्नुहुन्छ । हामीले भन्दा बढी उहाँले हामीलाई जान्नुहुन्छ… मानिसहरूका ह्दयको खोजी गर्नुहुनेले पवित्र आत्माको विचार के हो सो जान्नुहुन्छ, किनकि परमेश्वरको इच्छाअनुसार पवित्र आत्माले सन्तहरूका निम्ति मध्यस्थता गर्नुहुन्छ । त्यसकारण हामी जान्दछौँ उहाँलाई प्रेम गर्नेहरू र उहाँका अभिप्रायअनुसार बोलाइएकाहरूका निम्ति हरेक कुरामा परमेश्वरले भलाइ नै गर्नुहुन्छ’ (पद २६–२८) । प्रार्थनाचाहिँ सम्बन्धमा अडेको हुनाले, पवित्र आत्माले तपाईंको ह्दयलाई परमेश्वरकहाँ र उहाँको ह्दयलाई तपाईंकहाँ फिर्ता पठाउनुहुनेछ । जब तपाईंलाई कसरी प्रार्थना गर्ने भन्ने थाहा हुँदैन– मौन बस्नुहोस् । आफ्नो ह्दय खुला राखेर परमेश्वरको उपस्थितिमा रहनुहोस्, अनि उहाँ तपाईंसँग बोल्नुहुनेछ । ‘तर तिमीहरूको अभिषेक महापवित्रबाट भएको छ र तिमीहरू सबैले सत्यता जान्दछौ’ (१ यूहन्ना २:२०) । परमेश्वरले तपाईंको मनमा जवाफ राख्नुअगि, उहाँले तपाईंको ह्दयमा उहाँको शान्ति राख्नुहुन्छ । त्यसैले प्रार्थनामा हतार गर्नु हुँदैन । यसले पवित्र आत्मालाई तपाईंसँग परमेश्वरका विचारहरू साझा गर्न अनुमति दिन्छ ताकि तपाईं उहाँको तरिकाले सोच्न थाल्नुहोस् ।यसकारण ध्यान गर्न र परमेश्वरको अगाडि स्थिर रहन समय निकाल्नु धेरै महŒवपूर्ण छ ।
आत्मिक भोजनः यर्मिया ४१–४४ मर्कूस २:१–१२ भजन २५:८–१५ हितोपदेश १०:१–३
The Word for Today is authored by Bob and Debby Gass and published under licence from UCB International Copyright © 2024
