‘विश्वासद्वारा इसहाकले याकूब र एसावलाई तिनीहरूका भविष्यको बारेमा आशीर्वाद दिए ।’ —हिब्रू ११:२०
पिता हो, यहाँ तपाईंका छोराछोरी र नातिनातिनाहरूलाई आशिष् दिनका लागि दुई वटा बाइबल सामग्री छन्ः (१) प्रार्थनाको शक्ति । धर्मशास्त्रमा, बुबाको आशीर्वादमा आफ्ना छोराछोरीहरूको लागि परमेश्वरसँग सचेत प्रार्थना समावेश छ । इसहाक, जो एक किसान थिए, तिनले आफ्नो छोरालाई भने, ‘परमेश्वरले तँलाई आकाशको शीतबाट र पृथ्वीको प्रचुरताबाट धेरै दाखमद्य र अन्न देऊन्’ (उत्पत्ति २७:२८) । के तपाईंका छोराछोरीहरूले तपाईंले तिनीहरूको बारेमा परमेश्वरसँग कुरा गरेको सुनेका छन् ? सायद तिनीहरूले तपाईंलाई कठोर शब्दहरू भनेको सुनेका छन्, ‘तँ कसरी यति मूर्ख हुन सक्छस् ? तँ कहिल्यै सोच्दैनस् ? तैंले कहिल्यै केही बन्न सक्ने छैनस् ¤’ इत्यादि । यदि त्यसो हो भने, आजै गल्ती स्वीकार गर्नुहोस् र तिनीहरूसँग क्षमा माग्नुहोस् । तिनीहरूलाई तपाईंले तिनीहरू प्रत्येकको जीवनमा परमेश्वरको प्रशस्त आशिष्को पुकारा गरेको सुन्न दिनुहोस् । आफ्नो परिवारमा आशिष्को लागि बुबाको प्रार्थना एक शक्तिशाली कुरा हो– यो जीवन परिवर्तनकारी हुन्छ ¤ (२) उज्ज्वल भविष्यको दर्शन । बाइबलले भन्दछ, ‘जहाँ दर्शन–प्रकाश छैन, त्यहाँ मानिसहरू भाँडिन्छन्’ (हितोपदेश २९:१८) । विद्यालय परामर्शदाताहरूले बताउँछन् कि उनीहरूका धेरै विद्यार्थीहरूमा दर्शनको अभाव छ । किन ? किनभने तिनीहरूले आफ्नो अगाडि आर्थिक मन्दी, बेरोजगारी र कठिन समयबाहेक अरू केही पनि देख्दैनन् । तिनीहरूलाई तिनीहरू र तिनीहरूको भविष्यमा विश्वास गर्न कोही चाहिन्छ…तिनीहरू सफल बन्न सक्छन् र खुशी जीवन बिताउन सक्छन्…तिनीहरूको उत्तम भविष्य अझै बाँकी नै छ भन्ने विश्वास गर्न । इसहाकले आफ्ना छोराहरूले भविष्यको लागि आफ्नै दर्शन निर्माण गर्नको लागि पर्खिएनन् । उनले तिनीहरूको भविष्यको सफलताको लागि, तिनीहरूको उच्च हैसियतको लागि, अनि परिवार र समाजको आदर र अनुग्रहको लागि खुलेर प्रार्थना गरे । तपाईंले आफ्ना बालबालिकालाई छलछाम गरेर चलाउनु पर्दैन, तपाईंले उनीहरूलाई उत्प्रेरित मात्रै गर्र्नु आवश्यक छ अनि तपाईंले उनीहरूलाई आशीर्वाद दिएर त्यसो गर्नुपर्छ ¤यसकारण एक पिताका रूपमा, आफ्ना छोराछोरीका लागि आशीर्वादको प्रार्थना गरिदिनु धेरै महत्वपूर्ण छ ।
आत्मिक भोजनः मत्ती ५:४ यशैया ५१:१–१६ भजन ३० व्यद ५:८–११
The Word for Today is authored by Bob and Debby Gass and published under licence from UCB International Copyright © 2024
