प्रतिकूल परिस्थितिमा पनि आराधना गर्नुहोस्

‘तर आधा राततिर पावल र सिलास प्रार्थना गर्दै परमेश्वरका भजन गाइरहेका थिए ।’ —प्रेरित १६:२५

तपाईंसँग अहिले जे गलत भइरहेको छ त्यसलाई परमेश्वरसँग जे सही छ त्यसको आराधना गर्नबाट रोक्न नदिनुहोस् । तिनीहरूको खुट्टा बाँधिएको, तिनीहरूको ढाडमा कोर्राले पिटिएको, अनि समाजको अन्यायपूर्ण अवहेलनाले तिनीहरूमाथि थुपारिएको अवस्थामा समेत, बाइबलले भन्दछ, ‘आधा राततिर पावल र सिलास प्रार्थना गर्दै परमेश्वरका भजन गाइरहेका थिए ।’ तिनीहरूले आफ्नो परिस्थितिमा जे गलत छ त्यसमा ध्यान केन्द्रित गर्न छोडेर परमेश्वरका असल कुरामा ध्यान केन्द्रित गर्ने निर्णय गरे । तिनीहरूले गुनासो गर्न सक्थे तर तिनीहरूले आफ्ना बाहिरी परिस्थितिहरूको बाबजुद परमेश्वरको आराधना गर्ने छनोट गरे अनि त्यो अक्सर हामीले गर्न सक्ने सबैभन्दा चुनौतीपूर्ण र महत्वपूर्ण छनोट हो । यो तपाईंको कम्प्युटरको रिफ्रेस कि थिच्नु जस्तै हो । त्यसो गर्दा तपाईंको मुक्तिको आनन्द पुनस्र्थापित हुन्छ, तपाईंको आत्मालाई शक्ति मिल्छ र तपाईंको मनलाई नवीकरण गर्दछ । अनि सबै कुरा गलत भइरहेको देखिँदा पनि यसले तपाईंलाई परमेश्वरको प्रशंसा गर्नको लागि केही असल कुरा पत्ता लगाउन शक्ति दिन्छ । के यो सरल छ ? निश्चय नै छैन तर तपाईंले नचाहँदा पनि परमेश्वरको प्रशंसा गर्नुचाहिँ आराधनाको सबैभन्दा शुद्ध रूपमध्ये एक हो । ‘यसकारण परमेश्वरलाई येशूद्वारा प्रशंसाको बलि निरन्तर चढाऔँ । यो प्रशंसा उहाँको नाउँ स्वीकार गर्ने ओठको फल हो’ (हिब्रू १३:१५) । ‘प्रशंसाको बलि’ भन्ने शब्दमा ध्यान दिनुहोस् अनि यो त्यस्तो बलिदान हो जसले परमेश्वरलाई उत्प्रेरित गर्छ र परिणामहरू ल्याउँछः ‘तब एक्कासि एउटा ठूलो भैंचालो गयो, र झ्यालखानका जगहरू हल्लिए र तुरुन्तै जम्मै ढोकाहरू उघ्रिए, र सबैका बन्धनहरू खुले’ (प्रेरित १६:२६) । जब तपाईं बाहिर निस्कने कुनै बाटो नभएको अवस्थामा हुनुहुन्छ, प्रशंसाले ढोका खोलिदिन्छ । जब तपाईं अभाव र सीमितताले बाँधिएको अवस्थामा हुनुहुन्छ, प्रशंसाले साङ्लाहरू तोड्छ ।त्यसकारण प्रतिकूल र निराशाजनक परिस्थितिमा समेत आराधना गरिरहनुहोस् ।

आत्मिक भोजनः इजकिएल ३४–३६ लूका १:१–१० भजन ८०:१२–१९ हितोपदेश १५:१५–१७

The Word for Today is authored by Bob and Debby Gass and published under licence from UCB International Copyright © 2024