बाइबलसम्मत बन्नुहोस्, साहसी बन्नुहोस्

‘ आफ्ना परमेश्वरलाई चिन्नेहरूले दृढतासाथ त्यसको विरोध गर्नेछन् ।’ —दानिएल ११:३२

बाइबलले भन्दछ, ‘करार भंग गर्नेहरूलाई त्यसले झूठो प्रशंसा गरेर भ्रष्ट पार्नेछ, तर आफ्ना परमेश्वरलाई चिन्नेहरूले दृढतासाथ त्यसको विरोध गर्नेछन् ।’ धर्मशास्त्रको यो खण्ड अरूको भावनाप्रति अहंकारी र असंवेदनशील बन्न, वा आफ्नैबारेमा बढाइचढाइ गर्ने सोच राख्नको लागि अनुमति पत्र होइन । यसको अर्थ होः जब तपाईंले परमेश्वरको वचन, परमेश्वरको मार्ग र परमेश्वरको इच्छा बुझ्नुहुन्छ, तपाईं को हुनुहुन्छ र परमेश्वरले तपाईंलाई के गर्न बोलाउनुभएको छ भन्ने कुरामा तपाईं साहसी बन्नुहुनेछ । एउटा प्रश्नः पहिलो पटक केही काम गर्ने प्रयास अन्तिम पटक तपाईंले कहिले गर्नुभयो ? तपाईंले भन्नुहोला, ‘म असफल बन्न डराउँछु ।’ सबै असफल बन्छन्ý विजेताहरू तिनै हुन् जो लडेपछि फेरि उठ्छन् । स्पष्ट रूपमा नयाँ करारको चर्चका केही मानिसहरूले तिमोथीलाई धेरै कम उमेरका भएको कारण उनले नेतृत्व गर्न सक्दैनन् भन्ने सोचेका थिए, त्यसैले पावलले उनलाई आफ्नो बोलावटमा साहसी हुन प्रोत्साहन दिन्छन् :‘जब म तिमीलाई सम्झन्छु, म परमेश्वरलाई धन्यवाद दिन्छु…मलाई तिम्रो निष्कपट विश्वासको सम्झना हुन्छ । त्यो विश्वास, जो पहिले तिम्री बज्यै लोइसमा थियो, र तिम्री आमा युनिसमा, अनि मलाई निश्चय छ, त्यो विश्वास तिमीमा पनि रहेको छ । त्यसैकारण म तिमीलाई याद दिलाउँछु, कि मैले तिमीमाथि हात राखिदिएर तिमीले पाएका परमेश्वरको वरदानलाई प्रज्वलित राख । किनभने परमेश्वरले हामीलाई डरको आत्मा होइन, तर शक्ति, प्रेम र आत्मसंयमको आत्मा दिनुभएको छ ।यसकारण हाम्रा प्रभुको गवाही दिन शर्म नमान…तर परमेश्वरको शक्तिमा सुसमाचारको निम्ति दुःख–भोगमा तिमी सहभागी होऊ’ (२ तिमोथी १:३, ५–८) । परमेश्वरले प्रतिज्ञा गर्नुभएको छैन कि उहाँले तपाईंलाई जुन काम गर्न बोलाउनु भएको छ, त्यो काम गर्दा तपाईंले कठिनाइ अनुभव गर्नुहुनेछैन, तर उहाँले प्रतिज्ञा गर्नुभएको छ कि तपाईं सफल बन्नुहुनेछ ।त्यसकारण, तपाईंको लागि आजको वचन छ—बाइबलसम्मत बन्नुहोस् र साहसी बन्नुहोस्

आत्मिक भोजनः अ्ययूब २९–३१ लूका २:२१–३३ भजन ११७ उपदेशक १०:१५–१९

The Word for Today is authored by Bob and Debby Gass and published under licence from UCB International Copyright © 2024