‘निश्चय नै भविष्यमा तेरो निम्ति आशा छ र तेरो आशा व्यर्थ जानेछैन ।’ —हितोपदेश २३:१८
के तपाईं त्यस्ता मानिसहरूबाट घेरिनुभएको छ जसको उद्देश्य नै तपाईँको जीवनमा ‘वास्तविकताको एक खुराक’ राखिदिनु हो ? तिनीहरूले अर्थतन्त्र कति कठिन छ, रोजगारीको बजार कतिको निराशाजनक छ र आकाश कसरी खस्दैछ भन्ने प्रकारका निराशावादी कुराहरू निरन्तर औँल्याउँछन् । जोन वाकर लेख्छिन्ः ‘मेरो उच्च माध्यमिक विद्यालयका अंग्रेजी शिक्षकले मलाई कार्नेल विश्वविद्यालयमा आवेदन नगर्न भनेको कुरा म म सम्झन्छु किनभने तिनीहरूले मलाई स्वीकार गर्ने थिएनन् र यदि तिनीहरूले मलाई स्वीकार गरे भने पनि मैले त्यो पूरा गर्न सक्षम हुनेछैनँ… मैले झण्डै आवेदन गरिनँ । तर केही दिनपछि एकजना पूर्व शिक्षकले भन्नुभयो, “अवसर पायौ भने जाऊ । तिमीले त्यो पार गर्न सक्छ्यौ ।” उहाँको भनाइले धेरै फरक पा¥यो । मैले आवेदन दिएँ र स्वीकृत भएँ…संसारलाई अरूको ह्दयमा बोल्न र “म तिमीमा विश्वास गर्छु” भन्नको लागि अझै धेरै आशावादी, प्रोत्साहनकर्ता र प्रेरक व्यक्तिहरूको आवश्यकता छ । जुन कुरामा आफ्नो लगाव छ त्यसलाई पछ्याउनुहोस् र आफ्नो उद्देश्यअनुसार जिउनुहोस् । यदि तपाईंसँग चाहना छ भने, तपाईंसँग त्यो पूरा गर्ने शक्ति पनि छ । कडा परिश्रम गरिरहनुहोस् । तपाईंले सुधार गर्दै हुनुहुन्छ र असल बन्दै हुनुहुन्छ । अर्थव्यवस्था कठिन छ, तापनि तपाईंले आफ्नो व्यापार बढाउन सक्नुहुन्छ । रोजगारीको बजार राम्रो छैन, तर तपाईंले सही काम पाउनुहुनेछ…तपाईं असफल हुनुभयो भने पनि त्यसले अझै उत्तम कुरातर्फ लैजानेछ । तपार्इं सिक्दै र बढ्दै हुनुहुन्छ । विश्वास नै सफलता र असफलता बिचको भिन्नता हो, अनि प्रायः त्यस्तो विश्वास हामीलाई प्रोत्साहन गर्ने व्यक्तिद्वारा हामीमा राखिएको हुन्छ ।’ बाइबलले भन्दछ, ‘जहाँ दर्शन–प्रकाश छैन, त्यहाँ मानिसहरू भाँडिन्छन (विश्वास र लगावको अभाव) (हितोपदेश २९:१८) । दर्शन भनेको अगाडि बढ्ने चाहना हो† योबिना, तपाईं जहाँ हुनुहुन्छ त्यहाँ अड्कनुहुन्छ । अरूले के सोच्छन् त्यसको कुनै अर्थ छैन† परमेश्वर यसो भन्नुहुन्छ, ‘निश्चय नै भविष्यमा तेरो निम्ति आशा छ ।’ अनि जब तपाईं उहाँतर्फ हेर्नुहुन्छ, उहाँले तपाईंलाई अगाडि बढ्नको लागि बल दिनुहुनेछ ।यसकारण, आज परिस्थिति जस्तोसुकै देखिए तापनि परमेश्वरमा तपाईंको निम्ति आशा र भविष्य छ ।
आत्मिक भोजनः १ राजा १२–१३ मत्ती १७:१४–२७ भजन ५३ हितोपदेश ६:९
The Word for Today is authored by Bob and Debby Gass and published under licence from UCB International Copyright © 2024
