मेरो पछि लाग, र म तिमीहरूलाई मानिसहरूका मछुवा तुल्याउनेछु ।’ -मत्ती ४ :१९
येशूले पेशेवर मछुवाहरूलाई यसो भन्नुभयो, मेरो पछि लाग, र म तिमीहरूलाई मानिसहरूका मछुवा तुल्याउनेछु ।’ यी मानिसहरूलाई माछा पक्रनेबारे तीन वटा कुरा थाहा थियोः (१) माछा भएको ठाउँमा जानुपर्छ । तपाईंले भन्नुभयो, म सोच्थेें कि हामीले आफैलाई संसारबाट अलग गर्नुपर्छ ।’ येशूले संस्कृतिलाई बेवास्ता गर्नुभएन, यसलाई बदल्नको लागि उहाँ यसमा संलग्न बन्नुभयो । अनि तपाईंले पनि त्यसै गर्नुपर्छ । येशले यस्तो प्रार्थना गर्नुभयोः तपाईंले तिनीहरूलाई संसारबाट लैजानुहोस् भनी म प्रार्थना गर्दिनँ, तर तिनीहरूलाई दुष्टबाट सुरक्षित राखिदिनुहोस् । तिनीहरू संसारका होइनन्, जस्तो म पनि संसारको होइन । तिनीहरूलाई सत्यमा पवित्र पारिदिनुहोस्, तपाईंको वचन सत्य हो । जसरी तपाईंले मलाई संसारमा पठाउनुभयो, मैले पनि तिनीहरूलाई संसारमा पठाएको छु’ (यूहन्ना १७ :१५-१८) । (२) माछाले चारो टोक्दा तपाईं तयार रहनुपर्छ । तर ख्रीष्टलाई प्रभु मानेर तिम्रो ह्दयमा उहाँको श्रद्धा गर । तिमीहरूमा भएका आशाको विषयमा कसैले सोधपूछ गरे त्यसको जवाफ दिन सधैं तत्त्पर बस, तर त्यो काम नम्रता र श्रद्धासाथ गर’ (१ पत्रुस ३ :१५) । जब विद्यार्थी तयार हुन्छ, तब शिक्षक देखा पर्छ’ भन्ने भनाइ साँचो हो । (३) तपाईंले माछा पक्रन सही चारा प्रयोग गर्नुपर्छ । पावलले भने, किनकि सुसमाचारसँग म शर्माउँदिनँ । किनभने विश्वास गर्ने प्रत्येकका मुक्तिको निम्ति यो परमेश्वरको शक्ति हो’ (रोमी १ :१६) । सुसमाचार’ शब्दको अर्थ असल समाचार हो । इमानदार पापीहरूले आफ्नो पाप र संघर्षको बारेमा पहिले नै नराम्रो महसुस गरेका हुन्छन्, उनीहरूलाई परिवर्तन गर्ने शक्ति चाहिन्छ । अनि सुसमाचार मुक्तिको लागि परमेश्वरको शक्ति हो ।’ यी तीन वटा सिद्धान्तलाई स्पष्ट रूपमा ध्यानमा राख्नुहोस् अनि आज आत्मा पक्रनको लागि माछा मार्न जानुहोस् ।
आत्मिक भोजनः नहेम्याह ८-१० लूका २२ :१-१३ भजन ७८ :४०-५५ हितोपदेश २४ :१-४
The Word for Today is authored by Bob and Debby Gass and published under licence from UCB International Copyright © 2024
