‘म जो छु, त्यो परमेश्वरको अनुग्रहले छु ।’ —१ कोरिन्थी १५:१०
एक जना केटाको बारेमा यस्तो कथा छः एक दिनको उसको घरमा उसकी आमा उनीहरूका पास्टरसँगै आउँदैथिइन् तर उसलाई त्यो कुरा थाहा थिएन । उसले आफ्नो हातमा मरेको मुसा बोकेको थियो । तब तिनीहरूलाई देखेर उसले भन्यो, ‘आमा, तपाईंलाई थाहा छ ? ग्यारेजमा मुसा दौडिरहेको थियो । मैले यसलाई देखेँ र ढुंगाले हानेँ । यो त्यहाँ बसिराख्यो त्यसैले मैले यसलाई कुल्चेँ । त्यसपछि मैले यसलाई उठाएँ र भित्तामा हुत्याइदिएँं ।’ त्यसपछि उसले पास्टरलाई देख्यो र यदि उसकी आमाको हेराइले मान्छे मार्न सक्थ्यो भने उसले थाहा पायो कि ऊ मर्ने थियो । त्यसकारण उसले त्यो मुसालाई उठायो र आत्मिक स्वरमा थप्यो, ‘त्यसपछि प्रिय प्रभुले उसलाई घर बोलाउनुभयो ।’ मानिसहरू आफ्ना कमजोरीहरू लुकाउन र ‘आत्मिक’ देखिन चाहँदा यस्तै भाषा प्रयोग गर्छन् । एउटा पुरानो भजन छ ‘म जस्तो छु त्यस्तै, कुनै तर्कबिना’ जुन आवरण हटाउने अनि तपाईंको समस्याहरूको बावजुद परमेश्वरले तपाईंलाई प्रेम गर्नुहुन्छ भन्ने कुरा जान्ने बारेमा छ । यदि त्यहाँ कुनै साँचो ‘म जस्तो छु त्यस्तै’ भन्ने प्रकारको चर्च थियो जहाँ मानिसहरूले आफ्ना बोझ र टुटाइहरू ल्याउन सक्थे भने, यदि त्यहाँ त्यस्तो समूह थियो जहाँ सबैलाई प्रेम गरिन्थ्यो र कसैले अभिनय गर्दैनथ्यो भने, त्यो भवनमा मानिसहरूका लागि पर्याप्त ठाउँ हुने थिएन । पावलले स्वीकार गरे कि कहिलेकहीं उनले डा जेकिल जस्तै असल भएको, अन्य समयमा मिस्टरहाइड जस्तै खराब अभिनय गरे । उनले त्यो समयको बारेमा कुरा गरेका थिए जब उनी असल गर्न चाहन्थे तर खराबीले उनीमाथि विजय ग¥यो तर उनले हार मान्न इन्कार गरे किनभने उनले आफूलाई निर्माण हुँदैगरेको व्यक्तिका रूपमा बुझे । ‘म प्रेरित भनिन योग्य छैनँ । किनभने मैले परमेश्वरको मण्डलीलाई खेदो गरेँ । तर म जो छु, त्यो परमेश्वरको अनुग्रहले छु र ममाथि भएको उहाँको अनुग्रह व्यर्थ भएन’ (पद ९–१०) ।यसकारण हामी जस्ता छौँ त्यस्तै परमेश्वरको सामु आउनु र अगि बढ्नुपर्छ ।
आत्मिक भोजनः गन्ती ३:१ –४:३३ मत्ती ९:१४–२६ भजन १०४:१–२३ हितोपदेश ३:९–१०
The Word for Today is authored by Bob and Debby Gass and published under licence from UCB International Copyright © 2024
