‘जब तिमीहरू दान दिन्छौ…यसको बारेमा हल्लाखल्ला नगर ।’ —मत्ती ६:२
येशूले भन्नुभयोः ‘होशियार बस, तिमीहरू मानिसहरूलाई देखाउनलाई धर्मकार्य नगर । नत्रता स्वर्गमा हुनुहुने तिमीहरूका पिताबाट तिमीहरूले केही इनाम पाउने छैनौ । यसकारण जब तिमीहरू दान दिन्छौ, तब आÇना सामु तुरही नबजाओ, जस्तो ढोंगीहरूले सभाघरहरू र सडकहरूमा मानिसहरूबाट प्रशंसा पाउनलाई गर्दछन् । साँच्चै, म तिमीहरूलाई भन्दछु, तिनीहरूले आÇना इनाम पाइसकेका छन् । तर जब तिमी दान दिँदछौ, तिम्रो दाहिने हातले के गरिरहेछ सो देब्रे हातले थाहा नपाओस् । तिम्रो दान गुप्तमा होस् र गुप्तमा देख्नुहुने तिम्रा पिताले तिमीलाई इनाम दिनुहुनेछ’ (पद १–४) । उदारता र खुसीसाथ दिनुहोस् तर यसलाई आफैमा सीमित राख्नुहोस् । यो कसैको चासोको कुरा होइन तर तपाईं र परमेश्वर बिचको कुरा हो । र यदि तपाईंले दानलाई अरू मानिसहरूका सामु प्रकट गर्नुुभयो भने, तपाईंले तुरुन्तै आÇनो इनाम पाउनुहुनेछ र तपाईं स्वर्गमा आइपुग्दा अझै ठूलो कुरा प्राप्त गर्ने अवसर गुमाउनुहुन्छ । अनि तपाईंले यो प्राप्त गर्नु हुनेछ किनभने, ‘परमेश्वर अन्यायी हुनुहुन्न, र तिमीहरूका काम र उहाँको खातिर सन्तहरूका सेवामा तिमीहरूले देखाएको प्रेम उहाँले भुल्नुहुन्न । तिमीहरू अझै पनि त्यस्तै सेवा गरिराखेका छौ’ (हिब्रू ६:१०) । अरू मानिसहरूले तपाईंको उदारता नदेख्न सक्छन्, वा तुरुन्तै बिर्सन सक्छन्, तर परमेश्वरले त्यसो गर्नुहुन्न, अनि उहाँले तपाईंलाई यसको लागि इनाम दिनुहुनेछ । अर्को पटक जब तपाईं चर्चमा बसिरहनुभएको हुन्छ, यो कुरा बुभ्mनुहोस् कि त्यहाँ तपाईंको वरिपरि त्यस्ता विश्वासयोग्य व्यक्तिहरू छन् जसले कसैलाई थाहा नदिई दिएका छन् र फेरि दिएका छन् । तपाईं पनि तिनीहरूमध्ये एक हुन सक्नुहुन्छ ¤ प्रत्येक शनिवार तपाईं त्यसरी गुप्तमा दिने दाताहरूसँग ठोकिनुहुन्छ र तिनीहरूले यसलाई ‘परमप्रभुको निम्ति गरेजस्तै’ (कलस्सी ३:२३) आफैमा गोप्य राखेर अनि उहाँको प्रतिज्ञा गरिएको इनामको प्रतीक्षा गरेर दिने काम गर्छन् । अरूलाई तिनीहरूको बारेमा कहिल्यै थाहा नहुन सक्छ– तर परमेश्वरले कहिल्यै बिर्सनुहुनेछैन ।यसकारण हामीले दान दिने वा सहायता गर्ने काम गुप्तमा गर्नुपर्छ, अरूलाई देखाउनको लागि होइन ।
आत्मिक भोजनः मत्ती २१:१–१६ भजन ११८:१९–२९
The Word for Today is authored by Bob and Debby Gass and published under licence from UCB International Copyright © 2024
