‘यहाँ र अहिले’ अर्थात् वर्तमानमा जिउनुहोस्

‘आजको दिन परमप्रभुले सृजनुभएको हो, यसमा हामी आनन्दित होऔँ र रमाऔँ ।’ —भजन ११८:२४

हामी जुन ऋतुमा छौं, हामीले त्यसको कदर गरेको, ‘यहाँ र अहिले’ मा हामी जिएको परमेश्वर चाहनुहुन्छ । कतिपय मानिसहरू भविष्यका लागि मात्र जिउँछन् । ‘म खुशी हुनेछु जब…।’ अरू कतिपय मानिसहरू विगतमा जिउँछन् । सोलोमनले तिनीहरूलाई यसो भनेका छन्ः ‘“उहिलेका दिनहरू अहिलेका दिनहरूभन्दा किन उत्तम थिए,” भनी नभन, किनकि यस्तो प्रश्न सोध्नु बुद्धिको कुरो होइन’ (उपदेशक ७:१०) । न्यु योर्क पत्रिकामा एक पटक एउटा कार्टुन थियो जसमा उनीहरूको धार्मिक वस्त्र लगाएका र टाउको मुडेका दुई जना भिक्षु सँगसँगै बसिरहेका थिए । कान्छो भिक्षु अनुहारमा चकित भाव लिँदै वृद्ध भिक्षुतर्फ हेर्दै थियो जसले यसो भन्दै थियोः ‘यसपछि केही पनि हुँदैन । जे छ यही हो ।’ यहाँ र अहिले जिउनुको अर्थ यही हो । हामी अरू केही घट्नका लागि पर्खिरहेका छैनौँ, हामी हाम्रो वरपरको कुनै पनि कुराबाट विचलित छैनौँ, हामी मानसिक रूपमा भागेर कुनै अर्कै समयमा जान खोजिरहेका छैनौँ । हामी पूर्ण रूपमा जीवित छौँ किनभने हामी अहिले यही पलमा बाँचिरहेका छौँ ¤ परमेश्वरले तपाईंको लागि विगतमा ठूला कामहरू गर्नुभएको हुन सक्छ, र तपाईंले भविष्यमा ठूला कामहरू गर्न उहाँमा भरोसा गरिरहनुभएको छ, तर उहाँको उपस्थिति, उहाँको शक्ति, उहाँको भलाइ, उहाँको अनुग्रह, उहाँको आशिष् र उहाँ जो हुनुहुन्छ, ती सबै थोक यहाँ र अहिले मात्रै अनुभव गर्न सकिन्छन् । यसकारण प्रश्न यहाँ छः ‘के तपाईं जीवनको पीडाद्वारा आफूलाई जिउँदै ननिलियोस् भनेर कुनै आवरणभित्र जिइरहनुभएको छ ? के तपाईं आफ्नो खोलभित्र लुकेर अनि जे आनन्ददायी, अनुमान गर्न सकिने र सुरक्षित छ त्यसका लागि मात्र उपलब्ध भई आफूलाई सुरक्षित राख्नुहुन्छ ? ‘आजको दिन परमप्रभुले सृजनुभएको हो, यसमा हामी आनन्दित होऔँ र रमाऔँ ।’ यसकारण, हामी ‘यहाँ र अहिले’, अर्थात् वर्तमान समयमै जिउनुपर्छ ।

आत्मिक भोजनः प्रेरित २४–२६ मर्कूस ५:२१–३० भजन ९४:१–११ हितोपदेश ११:१४–१५

The Word for Today is authored by Bob and Debby Gass and published under licence from UCB International Copyright © 2024