येशूको रूपसमान हुनु भनेको सृजनशील हुनु हो

‘उहाँका पुत्रको रूपसमान बनाउनलाई ।’ —रोमी ८:२९

परमेश्वर हाम्रा सृष्टिकर्ता र उद्धारकर्ता दुवै हुनुभएको कारण, हामीलाई दुवै अर्थमा ‘उहाँको रूपसमान बन्न’ बोलाइएको छ । त्यसकारण, हाम्रा सृष्टिकर्ता जस्तै बन्नु भनेको अझै सृजनशील बन्नु हो । जब हामीले हाम्रो पवित्र तुल्याइएको कल्पनालाई उहाँका उद्देश्यहरू पूरा गर्न प्रयोग गर्छौँ, हामीले परमेश्वरले सबैभन्दा उत्तम तरिकाले गर्नुहुने र सबैभन्दा बढी मन पराउनुहुने काम गरिरहेका हुन्छौँ । अनि हाम्रा स्वर्गीय पिताले यसमा ठूलो गर्व गर्नुहुन्छ र आनन्द मनाउनुहुन्छ । जसरी हामी हाम्रा बालबालिकाको सृजनशीलतामा आनन्द मनाउँछौँ, त्यसरी नै परमेश्वरले हाम्रो सृजनशीलतामा आनन्द मनाउनुहुन्छ । के तपाईंले कहिल्यै याद गर्नुभएको छ कि भजनहरूले हामीलाई कति पटक नयाँ गीत गाउनु भन्छन् ? यसरी नयाँ भजन गाउने सृजनशील आदेश आधा दर्जनभन्दा बढी नै दोहो¥याइएको छ । तपाईंले परमेश्वरको बारेमा जति धेरै जान्नुहुन्छ, तपाईंले उहाँलाई त्यति नै प्रेम गर्नुहुन्छ । अनि तपाईंले उहाँलाई जति प्रेम गर्नुहुन्छ, तपाईंलाई आफ्नो प्रेम व्यक्त गर्ने नयाँ तरिकाहरू चाहिन्छन् । हामीमध्ये धेरैले आफूलाई सृजनशील व्यक्ति ठान्दैनौँ किनभने हामीले सृजनशीलतालाई संकुचित रूपमा परिभाषित गरेका छौँ । हामी यसलाई कलाको काम, नयाँ आविष्कार वा उद्यमशीलताको अवधारणाको रूपमा सोच्छौं । तर त्यो त एक सानो अंश मात्रै हो । सृजनशीलता कलाकार, आविष्कारक वा उद्यमीहरूको लागि मात्र होइन† यो त जीवनका सबै पक्षमा महŒवपूर्ण छ । यसको पूर्ण अर्थमा सृजनशीलता कल्पनाको कुनै पनि प्रयोग हो । हो, विगतमा हामीले हाम्रो कल्पनाशक्तिलाई गलत उद्देश्यका लागि प्रयोग गरेका हुन सक्छौँ । तर नयाँ जन्ममा, तपाईंको कल्पनालाई छुटकारा दिइन्छ ताकि यसलाई परमेश्वरको महिमा गर्न प्रयोग गर्न सकियोस् । यदि परमेश्वर असीम रूपमा सृजनशील हुनुहुन्छ र हामी उहाँको स्वरूपमा मात्र सृष्टि भएका होइनौँ तर उहाँको रूप समान हुन बोलाइएका छौँ भने, सृजनशीलता ऐच्छिक छैन । यसकारण सृजनशीलता भनेको आत्मिक परिपक्वताको एक आयाम हो ।

आत्मिक भोजनः प्रेरित २२–२३ मर्कूस ५:११–२० भजन १४४:९–१५ हितोपदेश ११:१२–१३

The Word for Today is authored by Bob and Debby Gass and published under licence from UCB International Copyright © 2024