‘जस–जसले मैले दिने पानी पिउँछ त्यो कहिल्यै तिर्खाउनेछैन ।’ —यूहन्ना ४:१४
येशूले मात्रै तपाईंको आत्मालाई सन्तुष्ट पार्न सक्नुहुन्छयेशूले इनारमा भेट्नुभएकी स्त्रीले पाँच पटक विवाह गरिसकेकी थिइन् । तिनले आफू भित्रको शून्यता भर्ने प्रयासमा धेरै जनासँग सम्बन्ध स्थापित गरेकी थिइन् । तर त्यसले तिनलाई कुनै सहायता गरेन, अनि यसले तपाईंको लागि पनि काम गर्ने छैन । न त पेशा व्यवसायको क्षेत्रमा प्रगति गरेर, वा अझै धेरै सामानहरू जम्मा गरेर, वा प्रसिद्धि हासिल गरेर नै त्यस्तो शून्यता भरिनेछ । ध्यान दिनुहोस् येशूले ती स्त्रीलाई के भन्नुभयोः ‘यो पानी पिउने प्रत्येक फेरि तिर्खाउनेछ’ (पद १३) । जब तपाईं पानीबिना मरुभूमिमा हुनुहुन्छ, त्यहाँ एउटा त्यस्तो बिन्दु आउँछ जहाँ तपाईंले मृगतृष्णा देख्न र वास्तविक नभएका कुराहरू विश्वास गर्न थाल्नुहुन्छ । अनि जब तपाईंको आत्मा निरन्तर रुखा र सुख्खा रहन्छ, तपाईंले वास्तवमा नभएका र सन्तुष्ट तुल्यान नसक्ने कुराहरू खोज्न थाल्नुहुन्छ । येशूले तिनलाई लज्जित तुल्याउन ती स्त्रीको विगत कोट्याउनुभएको थिएन । उहाँले एउटा कारणको लागि मात्र त्यसको चर्चा गर्नुभएको थियो† उहाँले तिनका विगतका चोटहरूलाई निको पार्न अनि तिनलाई असल भविष्यको लागि आशा दिन सक्नुहुन्छ भनी तिनलाई थाहा दिन । अनि उहाँले त्यसो गर्नुभयो । उहाँले तिनलाई मात्र रूपान्तरण गर्नुभएन, तर तिनी सामरियामा सुसमाचार लैजाने पहिलो व्यक्ति पनि बनिन् । सायद तपाईं सोच्नुहुन्छ कि तपाईंले छुटकारा पाउने कुनै आशा छैन । दाऊदको आशा थिएनः तिनले व्यभिचार गरेका थिए र त्यसलाई हत्याले ढाक्ने प्रयास गरेका थिए । पत्रुसको पनि आशा थिएनः उनले येशूलाई इन्कार गरेका थिए । थोमसको पनि आशा थिएन, र उनी अझै पनि शंकालु चेलाका रूपमा सम्झिइन्छन् । पावलको पनि आशा थिएनः उनी ख्रीष्टियन बन्नुअगि तिनले ख्रीष्टियनहरूको हत्या गरेका थिए । तपाईंका अतृप्त चाहनाहरू र तपाईंका अतृप्त तिर्खा लाभ नै हुन, हानि होइनन्, यदि तिनीहरूको कारण तपाईं येशूको पाउमा जानुहुन्छ भने । यहाँ उहाँको प्रतिज्ञा छः ‘जुन पानी म…दिनेछु, त्यो…अनन्त जीवनको निम्ति उम्रिरहने पानीको मूल बन्नेछ ।’ (पद १४) ।किनकि येशूले मात्रै तपाईंको आत्माका गहिरा असन्तुष्टीलाई सन्तुष्ट पार्न सक्नुहुन्छ ।
आत्मिक भोजनः उत्पत्ति १७–१९ यूहन्ना १३:३१–३८ भजन ११८:१–९ हितोपदेश ३१:६–९
The Word for Today is authored by Bob and Debby Gass and published under licence from UCB International Copyright © 2024
