आओ, हामी पारिपट्टि जाऔं ।’ —मर्कूस ४:३५
विश्वासमा बढ्न र येशूलाई घनिष्ठ रूपमा चिन्न उहाँसँगै आँधीबेहरीहरू पार गर्नु आवश्यक छ । चेलाहरूले यो कुरा पत्ता लगाए जब येशूले तिनीहरूलाई भन्नुभयो, ‘आओ, हामी पारिपट्टि जाऔं ।’ अर्को, हामी पढ्छौंः ‘अनि त्यहाँ ठूलो हुरी–बतास चल्यो, र छालहरू डुंगामा बज्रन लागे, यहाँसम्म कि डुंगा पानीले भरिन लाग्यो’ (पद ३७) । तिनीहरूको कथाको अन्त्य सुखद रूपमा हुन्छ । येशूले आँधीलाई शान्त पार्नुभयो, र तिनीहरूले अचम्म मान्दै भने, ‘यिनी को हुन् ? बतास र समुद्रले पनि यिनको हुकुम मान्छन्’ (पद ४१) । त्यहाँ येशूले सिकाउनुभएका र उहाँको चरित्रका पक्षहरू त्यस्ता जीवन परिवर्तनकारी सत्यता छन् छन् जुन तपाईंले उहाँसँगै आँधीबेहरीमा नहुँदासम्म कहिल्यै बुझ्नुहुनेछैन । कहिलेकहीँ जब आँधी आउँछन्, हामी ठान्छौं कि हामीले केही गलत गरेको कारण वा हामी परमेश्वरको इच्छामा नचलेको कारण ती आएका हुन् । चेलाहरू आज्ञाकारिताको कारण आँधीमा परेका थिए, अनाज्ञाकारिताको कारण होइन । तिनीहरूले कुनै गल्ती गरेका थिएनन् तिनीहरूले सही काम गरेका थिए । यो कुरा बुझ्नुहोस्ः यदि तपाईंले आफ्नो सारा ह्दयले येशूलाई प्रेम गर्नुहुन्छ भने पनि तपाईंले आँधीबेहरीहरूको सामना गर्नुपर्नेछ । चेलाहरूले पत्ता लगाए जस्तै, तपाईं येशूको सबैभन्दा नजिक हुनुभएको समयमा समेत आँधी आउन सक्छ । उहाँले प्रतिज्ञा गर्नुभएको छैन कि आँधीले तपाईंको डुंगालाई प्रहार गर्नेछैन, तर आँधीले यसलाई डुबाउन चाहिँ सक्नेछैन । उहाँले सहज यात्राको प्रतिज्ञा गर्नुभएको छैन, तर उहाँले सुरक्षित अवतरणको निश्चयता दिनुहुन्छ । तपाईंले या त डर या त विश्वासको साथ जीवनका समस्याहरूको सामना गर्नुहुनेछ । तिनीहरू कसरी भिन्न छन् ? डर आँधीमा केन्द्रित हुन्छ; विश्वास उद्धारकर्तामा केन्द्रित हुन्छ । यो अचम्मको कुरा जस्तो लाग्न सक्छ, तर हामीलाई आँधीबेहरीहरू चाहिन्छन् । येशूले हामीलाई यस्ता आँधीबेहरीहरूमा पर्न अनुमति दिनुहुन्छ ताकि हामीले (१) उहाँका प्रतिज्ञाहरू मनन गर्नेछौं, (२) उहाँको उपस्थितिमा शान्त रहनेछौं, अनि (३) उहाँको शक्तिमा भरोसा राख्नेछौं ।
आत्मिक भोजनः ३ यूहन्ना यहूदा लूका १८:३१–४३ भजन ११९:१६९–१७६ हितोपदेश २२:२०–२३
The Word for Today is authored by Bob and Debby Gass and published under licence from UCB International Copyright © 2024
