‘परमप्रभुका दूतले उनलाई भनेबमोजिम योसेफले मरियमलाई आफ्नी पत्नीको रूपमा स्वीकार गरे ।’ —मत्ती १:२१
कतिपय ईश्वरीय उद्देश्यहरू पूरा हुनको लागि विश्वासयोग्यतापूर्वक तिनको रखवारी गरिनुपर्छ र रक्षा गरिनुपर्छ । परमेश्वरका प्रतिज्ञाहरू पूरा भएको दख्ेनको लागि योसेफले हामीलाई तीन वटा चाबी दिन्छन् । पहिलो दया हो, र दोस्रो विश्वास हो । अब तेस्रोलाई हेरौंः आज्ञाकारिता । ‘योसेफ निद्राबाट ब्यूँझे, र परमप्रभुका दूतले उनलाई भनेबमोजिम उनले मरियमलाई आफ्नी पत्नीको रूपमा स्वीकार गरे । मरियमले पुत्र नजन्माउञ्जेल योसेफले तिनीसँग सहवास गरेनन् । योसेफले उहाँको नाउँ येशू राखे’ (पद २४–२५) । योसेफले त्यस्तो समयमा पनि परमेश्वरको आज्ञा पालन गरे जब मानवीय रूपमा भन्नुपर्दा ती परिस्थितिको अर्थ बुझिँदैनथियो । उनको मनमा शंकाले चुनौती दिँदा समेत उनले परमेश्वरको आज्ञा पालन गरे । उनका भावनाहरू उथलपुथल हुदा पनि उनले परमेश्वरको आज्ञा पालन गरे । हेरोदको मृत्यु नहोउन्जेल मिश्रमा रहनको लागि घर छोड्नुपर्दा पनि उनले परमेश्वरको आज्ञा पालन गरे । योसेफको लागि यसको अर्थ एक स्थापित व्यवसाय र व्यापार अनि आफ्ना परिवार र साथीभाइहरूलाई छोडेर जानु थियो । यसको अर्थ उनले नबुझ्ने वा बोल्न नजानेको भाषाको देशमा बस्नु थियो । अनि उनलाई थाहा थिएन उनीहरू त्यहाँ कति लामो समयसम्म रहनेथिए ? हप्तौंसम्म ? महिनौंसम्म ? वर्षौंसम्म ? रहनका लागि मिश्र कठिन ठाउँ थियो, तथापि यो आज्ञाकारिताको स्थान थियो । अनि परमेश्वरका प्रतिज्ञाहरू आज्ञाकारिताका स्थानमा सुरक्षित छन् । परमेश्वरले हामीलाई गर्नुभएका प्रतिज्ञाहरू आज्ञाकारिताका स्थानमा पूरा हुन्छन् । परमेश्वरले हामीलाई उहाँको इच्छा आज्ञाकारिताका स्थानमा प्रकट गर्नुहुन्छ । आश्चर्यकर्महरू आज्ञाकारिताका स्थानमा गरिन्छन् । प्रबन्ध आज्ञाकारिताका स्थानमा उपलब्ध हुन्छ । आज्ञाकारिताका स्थानमा हामी सुरक्षित हुन्छौं । के तपाईं कुनै प्रतिज्ञा पूरा हुनको लागि प्रतीक्षा गरिरहनुभएको छ ? के तपाईं प्रार्थनाको उत्तर खोज्दै हुनुहुन्छ ?त्यसो हो भने दया, विश्वास र आज्ञाकारिताका चाबीहरू प्रयोग गर्नुहोस् ।
आत्मिक भोजनः अ्ययूब २४–२८ लूका २:८–२० भजन ११३ उपदेशक १०:१०–१४
The Word for Today is authored by Bob and Debby Gass and published under licence from UCB International Copyright © 2024
