यो तपाईंको लागि नयाँ दिन हो

हेर, म एउटा नयाँ कुरो गर्दैछु ।’ —यशैया ४३:१९

तपाईंको विगतको पीडालाई तपाईंको दृष्टिलाई धमिलो बनाउन र भविष्यमा तपाईंको लागि परमेश्वरले भण्डारमा राख्नुभएको आशिष् चोर्न नदिनुहोस् । परमेश्वर भन्नुहुन्छ, ‘बितेका कुराहरूलाई भूल, उहिलेका कुराहरूलाई विचार नगर । हेर, म एउटा नयाँ कुरो गर्दैछु’ (पद १८–१९) । यदि पुराना सम्बन्धहरूद्वारा तपाईंलाई चोट लागेको छ भने, परमेश्वरसँग तपाईंका लागि नयाँ सम्बन्धहरू छन् । ‘परमप्रभुले शमूएललाई भन्नुभयो, “मैले शाऊललाई इस्राएलमाथि राजा हुनलाई इन्कार गरेकोमा तँ त्यसको निम्ति कहिलेसम्म विलाप गरिरहन्छस् ? तँसित भएको त्यो सीङमा तेल हालेर तेरो साथमा लैजा । म तँलाई बेथलेहेमको यिशैकहाँ पठाउँदैछ’ । किनभने मैले त्यसका छोराहरूमध्येको एक जनालाई राजा चुनेको छु”’ (१ शमूएल १६:१) । आफ्नो कुनै प्रियजन गुमाउँदा विलाप गर्नु स्वस्थकर हुन्छ । तर जब तपाईं विगतमा अड्किनुहुन्छ, यसले सधैं भविष्यलाई हानि गर्छ । त्यहाँ एउटा त्यस्तो समय आउँछ जब तपाईंले परिवर्तन गर्न नसकिने कुराको बारेमा कुरा गर्न छोड्नुपर्छ । साथै, यदि तपाईंले आफ्ना मित्रहरूलाई विगतकै बारेमा बताइरहनुभयो भने, तपाईंले तिनीहरूलाई गुमाउनुहुनेछ, किनभने तपाईंका शब्दहरूले तिनीहरूका लागि असहज वातावरण सृजना गर्छन् । परमेश्वरले पीडाको समाधानको रूपमा उद्देश्यलाई राख्नुभएको छ । पुराना चोटपटकहरूका लागि परमेश्वरको समाधान प्रेममा चल्ने प्रतिबद्धता हो । बृटिस मनोचिकित्सक सि. एम. पार्केसले भनेका छन्, ‘शोक चाहिँ…प्रेमको लागि हामीले तिर्ने मूल्य हो ।’ हामीले धेरै प्रेम गर्नेहरूले हामीलाई सबैभन्दा धेरै चोट पु¥याउन सक्छन् । ‘तब उहाँकहाँ आएर पत्रुसले भने, “प्रभु, मेरो भाइले कति पल्ट मेरो विरुद्धमा अपराध गरे मैले त्यसलाई क्षमा गर्ने ? के सात पल्टसम्म ?” येशूले तिनलाई भन्नुभयो, “…सत्तरी गुणा सात पल्ट”’(मत्ती १८:२१–२२) । आफ्नो शान्ति र आनन्द फेरि प्राप्त गर्नको लागि, तपाईंले क्षमा गर्नुपर्छ र विगतले तपाईंमाथि आफ्नो पकड नगुमाएसम्म क्षमा गरिरहनुपर्छ ।जब तपाईं विगतका चोटपटकबाट स्वतन्त्र बन्नुहुन्छ, यो तपाईंको लागि नयाँ दिन हो ¤

आत्मिक भोजनः २ इतिहास १९–२१ लूका १६:१९–३१ भजन ११९:११३–१२० हितोपदेश २२:१–३

The Word for Today is authored by Bob and Debby Gass and published under licence from UCB International Copyright © 2024