‘जब सत्यका आत्मा आउनुहुनेछ, तब उहाँले तिमीहरूलाई सबै सत्यतामा डो¥याउनुहुनेछ…र हुन आउने कुराहरू तिमीहरूलाई घोषणा गरिदिनुहुनेछ ।’ —यूहन्ना १६:१३
परमेश्वरको मार्गनिर्देशन नखोजी निर्णय गर्नु भनेको राडार र कम्पास बिना नै उड्ने प्रयास गर्नु जस्तै हो । तपाईंले आफ्नो विगतको ज्ञान र अनुभवको आधारमा सही जस्तो देखिने काम गर्न सक्नुहुन्छ तर जे ‘सही देखिन्छ’ त्यसैले तपाईंको लागि सबैभन्दा महत्वपूर्ण कुरालाई नष्ट गर्न सक्छ । बाइबलले बताउँछ कि मानिसको सबैभन्दा गहिरो सोच पनि परमेश्वरको लागि मूर्खता हो (१ कोरिन्थी १:१८–२० हेर्नुहोस्) । उहाँले मात्रै बाटो जान्नुहुन्छ र उहाँ तपाईंभन्दा अगाडि जान चाहनुहुन्छ । हाम्रो सामु आउने हरेक अवसर परमेश्वरबाट आएको हो भन्ने सोच्नु गलत हो । पावल भन्छन्, ‘शैतानले पनि ज्योतिर्मय स्वर्गदूतहरूको भेष धारण गर्छ’ (२ कोरिन्थी ११:१४) । उसका कुराहरूमा तपाईंको उत्तम हित रहेकोजस्तो देखिए तापनि, उसको मार्गले सधैँ विनाशतर्फ लैजान्छ (हेर्नुहोस् यूहन्ना ८:४४) । परमेश्वरको वचन ‘तपाईंकोे गोडाको निम्ति बत्ती र तपाईंको बाटोको निम्ति उज्यालो’ (भजन ११९:१०५) जस्तै बनेर तपाईंलाई धार्मिकताका मार्गहरूमा मार्गदर्शन गर्नको लागि हो । त्यसैले उहाँसँग पहिले परामर्श नगरी तपाईंलाई सही लाग्ने बाटो पछ्याउनु घातक हुन सक्छ । येशूले भन्नुभयो, ‘जब उहाँ अर्थात् सत्यताका आत्मा आउनुहुनेछ तब उहाँले तिमीहरूलाई सबै सत्यतामा डो¥याउनुहुनेछ । उहाँ आफ्नो तर्फबाट बोल्नुहुनेछैन । उहाँले जे सुन्नुहुन्छ, त्यही बोल्नुहुनेछ र हुन आउने कुराहरू तिमीहरूलाई घोषणा गरिदिनुहुनेछ’ (यूहन्ना १६:१३) । सत्यता यो हो कि हामीमध्ये धेरैले स्वाभाविक रूपमा परमेश्वरलाई खोज्दैनौँ । उहाँका आत्माले हाम्रो ह्दयमा बोल्नुभएपछि मात्रै हामी उहाँको इच्छा खोज्न सुरु गर्छौं । पवित्र आत्माको निर्देशन खोज्न समय लिनुहोस् । उहाँमा भरोसा राख्नुहोस् । उहाँले तपाईंको छनोटको असर बुझ्नुहुन्छ । उहाँले तपाईंलाई ‘ठूलो तस्बिर’ देखाउनुहुनेछ र तपाईंलाई सही बाटोमा रहन मदत गर्नुहुनेछ ।यसकारण आज सबै व्यस्तताबाट एकछिन रोकिनु होस् र कुनै पनि निर्णय गर्नुभन्दा पहिले परमेश्वरको मार्गदर्शन खोज्नु बुद्धिमानी हुनेछ ।
आत्मिक भोजनः लेवी २६–२७ मत्ती ६:१–८ भजन ७४:१२–२३ हितोपदेश २:७–८
The Word for Today is authored by Bob and Debby Gass and published under licence from UCB International Copyright © 2024
