‘विश्वासको उत्तम लडाइँ लड…जसमा तिमीलाई बोलावट भएको थियो ।’ —१ तिमोथी ६:१२
जब तपाईं आफ्नो जीवन ख्रीष्टमा समर्पित गर्नुहुन्छ, तपाईंले पक्षधरता बदल्नुहुन्छ । अब तपाईं तीन वटा कुराको विरुद्धमा हुनुहुन्छ । संसार र यसका दबाव, मूल्यमान्यता र एजेन्डा । यसका आवेग र कमजोरीसाथ शरीर वा पापमय स्वभाव । शैतान, जो तपाईंलाई पराजित गर्न दृढसंकल्पित छ । तर हामीले जित्न नसक्ने लडाइँमा जान परमेश्वरले हामीलाई कहिल्यै अनुमति दिनुहुन्न, त्यसकारण यस्तो लडाइँका तीन वटा आशिष्बारे विचार गरौं । (१) यसले तपाईंलाई उच्च सतर्कतासाथ जिउन सिकाउँछ । शिमशोन सुतेको बेला दलीलाले उनको शिरको केश खौरिन् र उनको शक्ति नष्ट पारिदिइन् । नोकरहरू सुतेको बेला शत्रुले गहुँको बिचमा सामा छ¥यो र तिनीहरूको फसल नाश गर्ने जोखिम ल्यायो । (२) यो आत्मिक प्रगतिको संकेत हो । प्रतिज्ञाको भूमिमा प्रवेश गर्दा, इस्राएलीहरूले एकतीस जना राजा र सात वटा जातिलाई जित्नुपरेको थियो । साथै दैत्यहरू ¤ तिनीहरूले एक पटकमा एउटा शहर र एक पटकमा एउटा दैत्यसँग लडन्त गर्नुपथ्र्यो । अनि जब येशू तपाईंको जीवनको प्रभु बन्नुहुन्छ, उहाँले तपाईंको जीवनका समर्पण नभएका क्षेत्रहरूलाई सम्बोधन गर्नुहुनेछ, र उहाँले तिनीहरूसँग एक–एक गरी व्यवहार गर्नुहुनेछ । तपाईंका जिद्दी क्षेत्रहरूमा यो लडाइँ कठोर र लामो हुनेछ । तपाईंलाई थाहा छ तिनीहरू कुन हुन्, होइन त ? उत्साहित हुनुहोस् । परमेश्वरले तपाईंलाई त्याग्नुहुनेछैनः ‘जसले तिमीहरूमा एउटा असल काम सुरु गर्नुभयो, उहाँले नै येशू ख्रीष्टको दिनमा त्यो पूरा गर्नुहुनेछ’ (फिलिप्पी १:६) । (३) यो परमेश्वरको लागि तपाईंको महत्त्वको एउटा संकेत हो । तपाईं परमेश्वरको लागि फसल उत्पादन गर्न सक्षम बिउ हुनुहुन्छ । त्यसैकारण तपाईं शैतानको निशानामा हुनुहुन्छ । ऊ तपाईंभित्र परमेश्वरले राखिदिनुभएको बहुमूल्य थोकको पछि लागेको छ । त्यसकारण, परमेश्वरले कृपाद्वारा तपाईं विजयी बन्नुहुनेछ भन्ने जानेर विश्वासको साथ उत्तम लडाइँ लडिरहनुहोस् ।
आत्मिक भोजनः १ इतिहास २३:२१–२६:१९ लूका १३:१८–३५ जन ११९:५७–६४ हितोपदेश २१:७–९
The Word for Today is authored by Bob and Debby Gass and published under licence from UCB International Copyright © 2024
