वृद्ध हुन नडराउनुहोस् (१)

‘मेरा छानिएकाहरूले आफ्ना हातले गरेका काम धेरै दिनसम्मै भोग गर्ने छन् ।’ —यशैया ६५:२२

हामी यस्तो चञ्चल समाजमा बस्छौँ जहाँ हाम्रो छालाको केही चाउरी जस्ता साधारण कुराले समेत तपाईंको आत्म–सम्मानलाई नष्ट गर्न सक्छ । तर तपाईं त्यस्तो मूल्य प्रणालीको शिकार हुनुपर्दैन । ‘रूखको आयु जस्तै मेरा प्रजाको आयु हुनेछ, र मेरा छानिएकाहरूले आफ्ना हातले गरेका काम धेरै दिनसम्मै भोग गर्नेछन्’ (पद २२) । कसैले भनेका छन्, ‘उमेर भनेको वस्तुस्थितिभन्दा मनस्थितिको मामिला हो । यदि तपार्इंले यसमा ध्यान दिनुभएन भने यसले असर गर्दैन ¤’ त्यसकारणः १) परमेश्वरसँग बलियो सम्बन्ध बनाउनुहोस् । उहाँसँग कुरा गर्दै र उहाँको वचन पढ्दै समय बिताउनुहोस् । ‘हे मेरो छोरा, मेरो शिक्षालाई नभुल्, तर मेरा आज्ञाहरू आफ्नो ह्दयमा लुकाइराख् । किनभने तिनले तँलाई दीर्घायु बनाउनेछन् र तेरो लागि सम्पन्नता ल्याउनेछन्’ (हितोपदेश ३:१–२) । २) वृद्ध उमेरको वास्तविकता स्वीकार गर्नुहोस् । यसको सामना गर्नुहोस्, तपार्इं गर्भमा आउनुभएको क्षणदेखि नै वृद्ध हुँदै आउनुभएको छ । वास्तवमा, तपाईंको जन्म दिनमा नै तपाईं नौ महिनाको हुनुहुन्थ्यो । त्यसकारण, वृद्ध अवस्थाको बारेमा चिन्ता गर्नुचाहिँ हरेक दिन घाम अस्ताउँछ भनी चिन्ता गर्नुजत्तिकै व्यर्थ छ । आफ्नो जीवनको लम्बाइको बारेमा चिन्ता गर्नुको सट्टा, यसको प्रत्येक दिनको अधिकतम उपयोग गर्नुहोस् । हरेक बिहान ऐनामा हेरेर यस्तो घोषणा गर्नुहोस्, ‘आजको दिन परमप्रभुले सृजनुभएको हो, यसमा हामी आनन्दित होऔँ र रमाऔँ ’ (भजन ११८:२४ हेर्नुहोस्) । ३) सधैं एउटा लक्ष्य लिनुहोस् । यस्तो लक्ष्य संसारको नजरमा कुनै ठूलो कुरा हुनु पर्दैन, तपाईंको हात र दिमागले गर्नको लागि केही भए पुग्छ । एलेनोर रुजवेल्टले भनेकी छिन्, ‘म कुनै पनि उमेरमा आगोको छेउमा बसेर टुलुटुलु हेर्नमै सन्तुष्ट रहन सक्दिनँ ।’ यसकारण पढ्नुहोस्, वृद्धि हुनुहोस्, योगदान गर्नुहोस्, संलग्न बन्नुहोस् र आफ्नो अन्तिम साससम्म जीवन्त भएर बाँच्नुहोस् ¤

आत्मिक भोजनः लेवी १८–२० मत्ती ५:१३–२६ भजन ७१:१–१६ हितोपदेश २:१–२

The Word for Today is authored by Bob and Debby Gass and published under licence from UCB International Copyright © 2024