‘दियाबलसका युक्तिहरूका विरुद्धमा खडा हुन सक्नलाई परमेश्वरका सारा हातहतियार धारण गर ।’ —एफिसी ६:११
बाइबलले भन्दछः ‘अब अन्त्यमा, प्रभुमा र उहाँका शक्तिको सामथ्र्यमा बलवान् होओ । दियाबलसका युक्तिहरूका विरुद्धमा खडा हुन सक्नलाई परमेश्वरका सारा हातहतियार धारण गर । किनकि हामीहरूको युद्ध शरीर र रगतको विरुद्ध होइन, तर प्रधानताहरूका विरुद्ध, शक्तिहरूका विरुद्ध, वर्तमान अन्धकारका सांसारिक शासकहरूका विरुद्ध र स्वर्गीय स्थानहरूमा भएका दुष्ट््याइँका आत्मिक सेनाहरूका विरुद्ध हो’ (पद १०–१२) । ‘वर्तमान अन्धकारका सांसारिक शासकहरूका विरुद्ध’ भन्ने शब्दहरू याद गर्नुहोस् । जब दानिएलले प्रार्थना गरे, तिनले ती सामर्थवान् शक्तिहरूको सामना गरे । ‘तिनले मलाई भने, “नडराऊ दानिएल, तिमीले आफ्नो मन समझतिर लगाएको र तिम्रा परमेश्वरको सामु आफैलाई नम्र तुल्याएको पहिलो दिनदेखि नै तिम्रा शब्दहरूको सुनुवाइ भएको थियो, र म तिनकै प्रतिउत्तरमा आएको छु । तर फारस राज्यका राजकुमारले मलाई एक्काइस दिनसम्म विरोध गरे । तब प्रधान राजकुमारहरूमध्ये एक जना मिखाएल मलाई मदत गर्न आए, किनभने फारसको राजासँग म त्यहीँ रोकिएँ’ (दानिएल १०:१२–१३) । ‘म त्यहीँ रोकिएँ’ भन्ने शब्दमा ध्यान दिनुहोस् । जब तपाईं परमेश्वरसँग हिँड्न र उहाँको इच्छा पूरा गर्न प्रतिबद्ध हुनुहुन्छ, शैतानले तपाईंलाई प्रत्येक मोडमा रोक्ने प्रयास गर्नेछ । यदि उसले तपाईंलाई प्रार्थनामा समय बिताउनबाट रोक्न सक्दैन भने, उसले तपाईंको प्रार्थनालाई रोक्ने प्रयास गर्नेछ । एक्काइस दिनसम्म, दानिएलले छक्क पर्दै सोचे, प्रभु, तपाईंले पहिले पनि मेरो प्रार्थनाको जवाफ दिनुभएको छ† अहिले कसरी जवाफ दिनुभएन ? तर दानिएलको जवाफ बाटैमा थियो । अनि तपाईंको जवाफ पनि आउँदैछ । ख्रीष्टियनहरूले कुनै कुर ‘पूरा नहुञ्जेल प्रार्थना गर्ने’ भन्ने चर्चा गर्थे । यसको अर्थ परमेश्वरले हाम्रो प्रार्थना सुन्नुहुन्छ र जवाफ दिनुहुन्छ भन्ने कुरा जानेर परमेश्वरको वचनमा दृढतापूर्वक खडा हुनु, येशूको सर्वशक्तिमान तथा सर्वव्यापी नाममा प्रार्थना गर्नु, अधीर हुन इन्कार गर्नु, र हार मान्न इन्कार गर्नु हो ।आज हामीले थाहा पाइराख्नुपर्छ कि शैतानले हाम्रो लक्ष्यमा क्षणिक बाधा ल्याउन सक्छ, तर हामी विश्वाससाथ प्रार्थनामा लागिरहनुपर्छ ।
आत्मिक भोजनः प्रस्थान ७–९ यूहन्ना १:१४–२८ भजन ९२ हितोपदेश २६:१–३
The Word for Today is authored by Bob and Debby Gass and published under licence from UCB International Copyright © 2024
