मैले अवलोकन गरेका कुराहरूलाई ह्दयमा विचार गरें, र मैले देखेका कुराहरूबाट एक शिक्षा सिकें ।’ —हितोपदेश २४:३२
राजा सोलोमनलाई अहिलेसम्म बाँचेका सबैभन्दा बुद्धिमान मानिसहरू मध्ये एक मानिन्छ । उनले बाइबलका तीन वटा पुस्तक लेखे र उनलाई नियमित रूपमा उद्धृरण गरिन्छ । अनि उनी आजीवन सिकाउने र सत्यताको खोजी गर्ने व्यक्ति थिए । ‘मैले अवलोकन गरेका कुराहरूलाई ह्दयमा विचार गरें, र मैले देखेका कुराहरूबाट एक शिक्षा सिकें ।’ ‘मैले ह्दयमा विचार गरें’ भन्ने शब्दहरूलाई ध्यान दिनुहोस् । त्यो जीवनमा तपाईंको स्थिर दृष्टिकोण हुनुपर्छ । तपाईंका लागि परमेश्वरको योजना तपाईंले आफ्नो अन्तिम सास नफेरेसम्म सिक्ने, परिवर्तन हुने, वृद्धि हुदैजाने र परिपक्व बन्दैजाने नै हो । अनि यसको अर्थ सधैं खुला मनको हुनु हो । फरिसीहरूलाई विचार गर्नुहोस् । तिनीहरू आफ्नो विश्वास प्रणालीमा १०० प्रतिशत प्रतिबद्ध थिए । तिनीहरू समाजका उत्कृष्ठ शिक्षित मानिसहरू पनि थिए । तापनि तिनीहरूले येशू र उहाँले हरेक मोडमा बताउनुभएको सत्यताको प्रतिरोध गरे । किन ? तीन वटा धेरै सामान्य कारणहरूका लागिः (१) घमण्डः ‘यदि येशूले भन्नुभएको कुरा सही छ भने, यसले हामीलाई गलत बनाउँछ ।’ (२) सुरक्षाः ‘उहाँले सिकाउनुभएको कुरालाई हामीले स्वीकार गर्यौं भने हाम्रो प्रतिष्ठा र आम्दानी के हुनेछ ?’ (३) परम्पराः ‘हामीले पुस्तौंदेखि यसरी नै यस्तो विश्वास र काम गर्दै आएका छौं ।’ के तपाईं देख्न सक्नुहुन्छ यस्तो सोचसाथ हामी कता जाँदैछौं ? र यो कुरा तपाईंको जीवनमा कसरी लागु हुन सक्छ, के तपाईं देख्न सक्नुहुन्छ ? एक जना पास्टरले भनेका छन्, ‘जबसम्म तपाईं मुक्ति पाएको, पवित्र तुल्याइएको र फसेको हुनुहुन्न तबसम्म मुक्ति पाएको र पवित्र तुल्याइएको हुनु राम्रो हो ¤’ आत्मिक विकासका लागि दुई वटा कुरा चाहिन्छन्ः सत्यताको लागि भोक, अनि तपाईंले अझै धेरै सिक्न बाँकी छ भनी स्वीकार गर्ने नम्रता । ती दुई यस्ता गुण हुन् जसलाई परमेश्वरले सधैं कदर गर्नुहुन्छः ‘उहाँले नम्रहरूलाई साँचो मार्गमा डो¥याउनुहुन्छ, र तिनीहरूलाई आफ्नोमार्ग सिकाउनुहुन्छ’ (भजन २५:९) । त्यसकारण परमेश्वरका कुरा ग्रहण गर्न विनम्र बन्नु र खुल्ला विचार राख्नुपर्छ ।
आत्मिक भोजनः २ इतिहास ३२–३४ लूका १८:१–१७ भजन ११९:१४५–१६० हितोपदेश २२:१४–१६
The Word for Today is authored by Bob and Debby Gass and published under licence from UCB International Copyright © 2024
