‘तर तिमीले भोज लगाउँदा, गरीब, अपाङ्कता भएका व्यक्तिहरू र दृष्टिविहीनहरूलाई बोलाऊ ।’ —लूका १४:१३
सबैलाई दया देखाउनुहोस् (१)लूकाले लेखेका छन्, ‘एक शबाथ उहाँ फरिसीहरूका कुनै एक जना शासकको घरमा खान जानुभयो । फरिसीहरू उहाँको चेवामा बसिरहेका थिए’ (पद १) । त्यो दिन उहाँले तिनीहरूको सबैभन्दा बहुमूल्य धार्मिक परम्पराहरूमध्ये एकलाई यसो भनी चकित तुल्याउँदै परिवर्तन गरिदिनुभयो, ‘तर तिमीले भोज लगाउँदा, गरीब, अपाङ्कता भएका, र दृष्टिविहीनहरूलाई बोलाऊ, र तिमीले आशिष् पाउनेछौ, किनकि तिनीहरूले तिम्रो गुण फर्काउन सक्दैनन् । तर मृत्युबाट धर्मीहरूको पुनरुत्थान हुँदा तिमीले यसको प्रतिफल पाउनेछौ’ (पद १३–१४) । कुनै पनि खोट लागेको कुरालाई फरिसीहरूले परमेश्वरको सिद्ध पवित्रता प्रतिबिम्बित गर्न अनुपयुक्त ठान्दथे । फलस्वरूप, उनीहरूले मन्दिरको सिमानाभित्र कुनै पनि खोट लागेका कुरा प्रवेश गर्न दिँदैनथे । यसबाहेक, परमेश्वरको मन्दिर रोमी शासकहरूद्वारा अनादर गरिएको थियो, त्यसकारण उनीहरूले आफ्ना घरहरूलाई सानो मन्दिरको रूपमा व्यवहार गरेर परमेश्वरको आदर गर्न सक्थे भन्ने उनीहरूले विश्वास गर्थे । येशूले उनीहरूमाझ परिचित यी फरिसीलाई जानाजानी आफ्नो पवित्र सानो मन्दिरमा खोट लागेका वा अपाङ्कता भएका मानिसहरूलाई निम्तो दिन आदेश दिनु भनेको चाहिँ अनुहारमै जानाजानी झापड हानेझैं अपमानजनक कुरा थियो । येशूले उनलाई आफ्नो अतिथिको सूचीमा ती व्यक्तिहरूलाई राख्न निर्देशन दिनुभएको थियो जसका खोटहरूले उनलाई ठेस लाग्थ्यो । येशूको करुणा सबै व्यक्तिहरूप्रति उहाँको प्रेम र कसैको अवमूल्यन हुँदा उहाँले महसुस गर्नुहुने पीडाबाट आएको हो । धर्मशास्त्रमा, हामीलाई कहिल्यै भनिएको छैन कि येशूले कसैको लागि दया गर्नुभयो किनभने तिनीहरू यसको योग्य थिए । तर तिनीहरू खाँचोमा थिए यसकारण उहाँले दया गर्नुभयो । येशूले भन्नुभएको कुरा बुभ्mनुहोस् । उहाँले प्रतिज्ञा गर्नुभयो कि तपाईं यस जीवनमा आशिष् पाउनुहुनेछ र अर्कोमा इनाम पाउनुहुनेछ जब तपाईंले ‘गुण फर्काउन नसक्नेहरूलाई’ दया र करुणा देखाउनुहुन्छ । कसैसँग तपाईंलाई मन नपर्ने विशेष समस्या छ भनी जब तपाईं उसलाई बेवास्ता गर्ने परीक्षामा हुनुहुन्छ, तब यो कुरा मनमा राख्नुहोस् ।
आत्मिक भोजनः अ्ययूब १ अ्ययूब २:७–१० अ्ययूब ४०:१–५ अ्ययूब ४२:७–१७
The Word for Today is authored by Bob and Debby Gass and published under licence from UCB International Copyright © 2024
