‘प्रत्येक जसलाई धेरै दिइएको छ, त्यसबाट धेरै मागिनेछ ।’ —लूका १२:४८
एक जना लेखकले यस्तो लेखेका छन्ः ‘छनोट र अवसरहरूको ठूलो शक्ति पत्ता लगाउन मेरो आधा जीवन लाग्यो । असल सम्बन्ध तपाईंको लागि परमेश्वरको वरदान हो, अनि तपाईंले तिनीहरूसँग के गर्नुहुन्छ त्योचाहिँ उहाँलाई तपाईंको प्रतिक्रिया हो । प्रायः हामी हाम्रो निष्क्रियता वा साहसको कमी, वा हाम्रो सम्बन्धप्रति बेवास्तालाई नियतिको पोशाक पहिराउँछौँ । हामी बहाना बनाउँछौँ र हाम्रा दोषी ह्दयहरूलाई बचाउन तर्क दिन्छौँ जसले परिस्थितिहरू परिवर्तन गर्न सक्दैन । त्यसपछि हामीले चाँडै कदम चालेको भए हाम्रो सम्बन्ध राम्रो हुन सक्थ्यो कि भन्ने कल्पनामा जिउँदै हामी पाप क्षमाको लागि सस्तो प्रयास जस्तै हाम्रो जिम्मेवारी पन्छाउँछौंँ । यसको सबैभन्दा नराम्रो पक्ष यो हो कि धेरै जनाले मूर्खतापूर्वक परमेश्वरलाई दोष लगाउँछन् र उनीहरूले सुधार गर्न सक्ने सम्बन्धहरूका लागि उहाँलाई जिम्मेवार ठहराउँछन् । परमेश्वरको अनुग्रहले हामीलाई अवसरहरू प्रदान गर्दछ, प्रत्येक सम्बन्ध खोलेर आनन्द गरिनुपर्ने उपहार हो । हामीले प्रत्येक बहुमूल्य क्षणलाई रोमाञ्चक अवसरको रूपमा सदुपयोग गर्नुपर्छ । यदि हामी प्रत्येक सम्बन्धको सम्भाव्यताको बारेमा सचेत छौँ भने, प्रत्येक भेटलाई उत्तम बनाउनको लागि हाम्रो ह्दयमा हुटहुटी चल्नेछ । तपाईंसँग तिनलाई विवाह नगर्ने वा त्यो टेलिफोन गर्ने वा क्षमा माग्ने वा आफ्नो ह्दयको चाहनालाई अँगाल्ने मौका थियो । छनोटहरू तपाईंकै हुन् । त्यसकारण तपाईंले हरेक दिन यसो भन्नुपर्छ, “म मेरो मौका लिनेछु, सक्रिय रूपमा छनोटहरू गर्नेछु, मेरा परिवर्तनहरू अनुभव गरेर जानेछु र मेरो निर्णयहरू लिनेछु ।” अनि आफ्नो जीवनको अन्त्यमा तपाईंले आफैलाई भन्नुहुनेछ, “यो मेरो जीवन र मेरो सम्बन्ध थियो अनि म दुवैको लागि जिम्मेवार छु ।”’ येशूले भन्नुभयो, ‘प्रत्येक जसलाई धेरै दिइएको छ, त्यसबाट धेरै मागिनेछ ।’ के तपाईंको सम्बन्धमा समस्या छ ? त्यसो हो भने, संयोग वा असल भएको होस् भन्ने इच्छा मात्रै गर्न छोडेर सक्रिय बन्नुहोस् । समस्या समाधानको लागि तत्काल कदम चाल्नुहोस् ¤
आत्मिक भोजनः दानिएल ८–१० मत्ती ८:१–९ भजन ८९:१५–३७ हितोपदेश २:२१–२२
The Word for Today is authored by Bob and Debby Gass and published under licence from UCB International Copyright © 2024
