यस्तो समय आउँदैछ, जब तिनीहरू ठिक शिक्षालाई नसहने हुनेछन् ।’ -२ तिमोथी ४ :३
हीराको गहना लगाउन चाहने व्यक्तिहरूले कहिलेकहीँ क्युबिक जिक्रोना नामक नक्कली हीरा प्रयोग गर्छन् । तर अब, वैज्ञानिकहरूले प्रयोगशालामा वास्तविक हीरा बनाउन सक्छन् । अनि तिनीहरू यो काममा यति दक्ष छन् कि भूगर्भशास्त्रीहरूलाई प्रयोगशालाका हीराहरूलाई खानीबाट निकालिएका हीराबाट छुट्टयाउन कठिन हुन्छ । तिनीहरूलाई छुट्टयाउन, विशेषज्ञको चेकलिस्ट प्रयोग गरिन्छः वजन, रंग, स्पष्टता, र चमक । यो बिना, कुनै पनि ठगले दुई दिन पुरानो हीरालाई हजारौं वर्ष लागेर बनेको खानीको हीरा भन्ने बहाना गर्न सक्छ । आत्मिक सत्यताको कुरा पनि त्यस्तै हो । यदि ख्रीष्टियनरूलाई बाइबलको ज्ञान छैन भने, आत्मिक ठगहरूले सबै प्रकारका झूटलाई सत्यताका रूपमा अनुमोदन गर्न सक्छन् । कसैले येशूको नाममा आश्चर्यकर्म गर्नु पर्याप्त छैन । त्यो दिन धेरैले मलाई भन्नेछन्, “प्रभु, प्रभु, के हामीले तपाईंको नाउँमा…अनेक शक्तिशाली काम गरेनौं र ?” अनि म तिनीहरूलाई सफासँग भन्नेछु, “मैले तिमीहरूलाई कहिल्यै चिनेको छैनँ । ए अधर्म काम गर्नेहरू हो, मबाट दूर होओ’ (मत्ती ७ :२२-२३) । बाइबलले बताउँछ कि शैतानले पनि आफैलाई ज्योतिको दूतको भेष धारण गर्न सक्छ । पावल चेताउनी दिन्छन्ः यस्तो समय आउँदैछ, जब तिनीहरू ठिक शिक्षालाई नसहने हुनेछन्, तर आफूलाई मन परेका कुरा मात्र सुन्न चाहनेछन् र आफ्नो रुचिअनुसार शिक्षकहरू थुपार्नेछन्, सत्य कुरा सुन्नदेखि तर्किजाने छन्, दन्त्यकथाहरूतिर बरालिने छन्’ (२ तिमोथी ४ :३-४) । बाइबलले सिद्धान्त’ वा धर्मशिक्षा भन्ने शब्द पचपन्न पटक प्रयोग गरेको छ । यो त्यति महत्त्वपूणर् छ । हामीसँग एक हीरा विशेषज्ञको इच्छा हुनुपर्छ – छलमा नपर्ने इच्छा । यदि बहुमूल्य पत्थरको गुणस्तर निर्धारण गर्न होसियारीपूर्वक जाँच, अध्ययन र होसियारी अपनाइन्छ भने, परमेश्वरको बहुमूल्य वचनका लागि झन कत्ति बढी परिश्रम गर्नुपर्छ ?यसकारण, सत्य धर्मशिक्षाको ठूलो महत्त्व छ ।
आत्मिक भोजनः २ तिमोथी १-४ लूका २२ :५४-६२ भजन १९ हितोपदेश २४ :१९-२२
The Word for Today is authored by Bob and Debby Gass and published under licence from UCB International Copyright © 2024
