‘विश्वास गर्नेको लागि त सबै कुरा सम्भव छ ।’ —मर्कूस ९:२३
प्राचीन ग्रीसका सबैभन्दा महान् वक्ता भनेर चिनिएका डेमोस्थेनिसलाई बोल्न निकै कठिनाइ हुन्थ्यो । उनले मुखमा ढुंगाका टुक्रा राखेर समुद्र किनारमा छालको गर्जनभन्दा ठूलो स्वरमा बोल्दै कविता वाचन गरेर त्यसमाथि विजय गरेको किंवदन्ती छ । वार्टबर्ग महलमा कैदीको रूपमा रहाँदा मार्टिन लुथरले नयाँ करारलाई जर्मनमा अनुवाद गरेर आफ्नो समयको सदुपयोग गरे । बिथोवेनले श्रवण क्षमता गुमाएपछि आफ्ना सबैभन्दा महाने सांगितिक कृतिहरू लेखे । जोन बन्यानले कैदमा रहँदा द पिलग्रिम्स प्रोग्रेस अर्थात् तीर्थयात्रीको प्रगति नामक रूपक कथा लेखे । डेनिएल डेफोले पनि कैदमा लेख्ने क्रममा रबिन्सन क्रुसो उपन्यास रचना गरे । अब्राहम लिंकनलाई धेरैले संयुक्त राज्य अमेरिकाका सबैभन्दा महान् राष्ट्रपतिहरूमध्ये एक मान्छन्, तर यदि उनले गृहयुद्धको समयमा देशको नेतृत्व नगरेको भए उनी सम्भवतः एक महान् अगुवको रूपमा चिनिने थिएनन् । अक्सर, महान् अगुवा र विचारकहरू उत्पादन गर्न कठिन परिस्थितिहरू संलग्न देखिन्छन् । तर त्यस्ता परिस्थितिमा तिनीहरूको मनोवृत्ति सही हुँदा मात्रै त्यसो हुन्छ । जब सही मनोवृत्ति भएको व्यक्तिसँग समस्या सम्पर्कमा आउँछ, परिणाम प्रायः अद्भूत हुन्छ । ठूलो उथलपुथलबाट महान् अगुवाहरू, व्यवसायीहरू, वैज्ञानिकहरू, शिक्षाविद्हरू, पास्टरहरू र यस्तै अरू महान् व्यक्तिहरू आउँछन् । हरेक चुनौती एउटा अवसर हो, र हरेक अवसरमा चुनौती हुन्छ । तर जस्तो मनोवृत्तिसाथ तपाईंले आफ्नो समस्याको सामना गर्नुहुन्छ, त्यसले ठूलो मात्रामा परिणाम निर्धारण गर्दछ । जब एउटा बाबुले आफ्नो सुन्न र बोल्न नसक्ने छोरालाई निको बनाइदिनहुन येशूलाई बिन्ती ग¥यो, येशूले जवाफ दिनुभयो, ‘विश्वास गर्नेको लागि त सबै कुरा सम्भव छ’ (पद २३) । त्यो मानिसले भन्यो, ‘प्रभु, म विश्वास गर्दछु । मेरो अविश्वासमा मलाई सहायता गर्नुहोस् ¤’ (पद २४) । अनि येशूले त्यसो गर्नुभयो । साथै, उहाँले त्यो मानिसको छोरालाई निको पार्नुभयो । यसकारण, यदि तपाईंलाई आफ्नो मनोवृत्तिको सम्बन्धमा सहायता चाहिन्छ भने, आजै प्रभुसँग कुरा गर्नुहोस् ।
आत्मिक भोजनः लूका २४:५०–५३ प्रेरित १:१–११ एफिसी ४:७–१०
The Word for Today is authored by Bob and Debby Gass and published under licence from UCB International Copyright © 2024
