‘किनकि शैतानले पनि ज्योतिर्मय स्वर्गदूतहरूको भेष धारण गर्छ। ।’ —२ कोरिन्थी ११:१४
२ कोरिन्थी ११ मा, पावलले शैतानले उत्कृष्ठ रूपमा नक्कली काम गर्ने चार तरिका प्रकट गरेका छन । पहिलो, उसले नक्कली उद्धारकर्ता उपलब्ध गराउँछ । ‘किनकि शैतानले पनि ज्योतिर्मय स्वर्गदूतहरूको भेष धारण गर्छ ।’ त्यसकारण येशूलाई प्रचार गर्ने पन्थहरू भए तापनि तिनीहरूले इसाई मतका ख्रीष्टको प्रचार गर्दैनन् । दोस्रो, शैतानले नक्कली सेवकहरू प्रस्तुत गर्दछः ‘किनकि त्यस्ता मानिसहरू झूटा प्रेरितहरू र छली काम गर्नेहरू हुन् र ख्रीष्टका प्रेरितहरूको भेष लगाएर हिँड्नेहरू मात्र हुन्…यसकारण यो कुनै अनौठो कुरा होइन, कि त्यसका दासहरूले पनि धार्मिकताका दासहरूका रूपमा आप्mनो भेष बद्लन्छन् । तिनीहरूको अन्त्य तिनीहरूका कामअनुसार हुन्छ’ (पद १३, १५) । तेस्रो, शैतानले नक्कली सन्तहरू खडा गर्छः पावलले यी झूटा मानिसहरूलाई बाहिरबाट तपाईंको भाइ वा बहिनी जस्तो देखिने तर भित्रबाट गोप्य रूपमा तपाईंका शत्रुहरू भनेर चिनाउँछन् (गलाती २:४ हेर्नुहोस्) । यसबाहेक, शैतानले हामीलाई नक्कली मुक्ति प्रदान गर्दछः ‘हामीले प्रचार गरेका सुसमाचारको विपरीत हामीले वा स्वर्गबाट आउने दूतले नै प्रचार गर्याभने पनि त्यो व्यक्ति श्रापित होस्’ (गलाती १:८) । ख्रीष्टियनहरूले शैतानको सन्तान भएको बहाना गर्दैनन्, तर यसको विपरीत अधर्मीहरू प्रायः धर्मी जस्ता देखिन्छन् । परमेश्वरले एक पापी र एक सन्तको बिचमा भिन्नता छुट्याउन सक्नुहुन्छ, अनि तपाईंले चर्चबाहिर जस्तै चर्चभित्र पनि दुवैलाई पाउनुहुनेछ । अनि यो असल कुरा हो किनभने बाइबल प्रचार निरन्तर सुन्नाले मानिसहरूलाई परिवर्तन गर्छ । चर्च सिद्ध छ भनी येशूले कहिल्यै दावी गर्नुभएन, र हामीले पनि गर्नु हुँदैन । यो सत्यताको ज्ञानको कारण हामी स्वधर्मी र न्याय गर्ने व्यक्ति बन्नु हुँदैन । बरु, यसले हामीलाई परमेश्वरको अनुग्रह र कृपाको माध्यम बनाउनुपर्छ र ख्रीष्टमा पूर्ण रूपमा प्रतिबद्ध हुन प्रेरित गर्नुपर्छ ।यस युगमा साँचा र भूmटा मानिसहरू सबै क्षेत्रमा रहनेछन् भन्ने जानेर चल्नु बुद्धिमानी हुन्छ ।
आत्मिक भोजनः प्रस्थान ३०–३२ यूहन्ना ४:१३–२६ भजन १०० हितोपदेश २६:२७–२८
The Word for Today is authored by Bob and Debby Gass and published under licence from UCB International Copyright © 2024
