‘उहिलेका दिनहरू अहिलेका दिनहरूभन्दा किन उत्तम थिए,” भनी नभन, किनकि यस्तो प्रश्न सोध्नु बुद्धिको कुरो होइन ।’ —उपदेशक ७:१०
हामीले परिवर्तनको प्रतिरोध गर्ने थप दुई वटा कारण यी हुन्ः (१) किनभने यो अप्ठ्यारो र असहज लाग्छ । अन्तिम पटक कहिले तपाईंले कुनै कुरा पहिलो पटक प्रयास गर्नुभयो ? के तपाईं यसलाई स्पष्ट नाम दिन सक्नुहुन्छ ? यदि तपाईंले यो सम्झन सक्नुहुन्न भने, तपाईंको आरामको क्षेत्र नियमित तालिकामा परिणत भएको हुन सक्छ । भित्तामा एउटा चिन्हमा दुई वटा कथनहरू थिए । पहिलोमा यसको बिचबाट एक्स अक्षर वा कट्टी थियो । त्यसमा लेखिएको थियो, ‘यदि यो टुटेको छैन भने– यसलाई मर्मत नगर्नुहोस् ।’ दोस्रोमा लेखिएको थियो, ‘यदि यो टुटेको छैन– यसलाई तोड्नुहोस् ¤’ कहिलेकहीँ ‘बाकसबाट बाहिर निस्कने’ अर्थात् सीमित तुल्याउने आदतबाट बाहिर आउने एक मात्र तरिका त्यसलाई तोडेर निस्कनु हो । (२) किनभने हामी परम्परा पक्रन्छौँ । फरिसीहरूले येशूले बताउनुभएको सत्यता स्वीकार गर्न सकेनन् किनभने तिनीहरू आफ्ना परम्पराद्वारा बाँधिएका थिए अनि हामीमध्ये धेरै जना अझै पनि परम्परामा अल्झिएका छौँ । हामी ठान्छौँ कि यदि कुनै कुरा परम्परा (व्यवहारको लामो समयदेखि स्थापित ढाँचा) हो भने, यो पक्कै पनि उत्तम तरिका हुनुपर्दछ । तर टमस एडिसन र हेनरी फोर्ड जस्ता परिवर्तनका संबाहकहरूले देखाएझैँ, सधैं त्यसो हुँदैन । यसकारण प्रश्न यहाँ छः लाइट बल्ब परिवर्तन गर्न कति जना परम्परावादीहरू चाहिन्छन् ? चार जनाः एक जना यसलाई परिवर्तन गर्न, अनि तीन जना चाहिँ पुरानो लाइट बल्ब कति राम्रो थियो भन्ने चर्चा गर्न ¤ निष्कर्ष यही होः जब कुनै परम्पराले तपाईंलाई अन्य मानिसहरू वा तपाईंको व्यक्तिगत इतिहाससँग जोड्छ यो असल हुन सक्छ । यदि यसले त्यसो गर्दैन भने, हुनसक्छ यो केही नयाँ प्रयास गर्ने समय हो । बाइबलले भन्दछ, ‘धर्मीको…मध्यदिन नहोउञ्जेल झन्–झन् चहकिलो हुँदैजान्छ । तर दुष्टको चालचाहिँ घोर अन्धकारजस्तो हो, केले आफ्नो पतन हुँदैछ सो तिनीहरू जान्दैनन्’ (हितोपदेश ४:१८–१९) । त्यसकारण अहिले यस्तो प्रश्न गर्ने समय होः तपाईंले आफ्नो जीवनमा के कस्ता परिवर्तनहरू गर्नु आवश्यक छ ?
आत्मिक भोजनः १ शमूएल १–३ लूका ३:१–१० भजन ५९:१–८ हितोपदेश १६:२०–२२
The Word for Today is authored by Bob and Debby Gass and published under licence from UCB International Copyright © 2024
