‘हे परमेश्वर, म पापीमाथि दया गर्नुहोस् ’ —लूका १८:१३
हामी सबैलाई उही अनुग्रह चाहिन्छयेशूले भन्नुभयोः ‘दुई जना मानिस प्रार्थना गर्न मन्दिरमा गए— एक जना फरिसी र अर्कोचाहिँ कर उठाउने । फरिसीले उभिएर मनमनै यसरी प्रार्थना ग¥यो, “हे परमेश्वर, म तपाईंलाई धन्यवाद दिन्छु, म अरू मानिसहरूजस्तो धुताहा, अन्यायी, व्यभिचारी, अथवा यही कर उठाउनेजस्तो पनि छैनँ । म हप्तामा दुई पल्ट उपवास बस्तछु । मैले पाएका सबै थोकको दशांश म दिन्छु ।” तर कर उठाउनेचाहिँ टाढै उभिएर स्वर्गतिर आँखा पनि नउठाई यसो भन्दै आफ्नो छाती पिट्यो, “हे परमेश्वर, म पापीमाथि दया गर्नुहोस् ” म तिमीहरूलाई भन्दछु, योचाहिँ मानिस त्यस अर्काभन्दा धर्मी ठहरिएर आफ्नो घरतिर लाग्यो । किनभने हरेक जसले आफूलाई उच्च पार्दछ, त्यो होच्याइनेछ, तर जसले आफूलाई होच्याउँछ, त्यो उच्च पारिनेछ’ (पद १०–१४) । यी दुई व्यक्ति बिचको भिन्नता के हो भने त्यो फरिसी आत्माको पापको दोषी थियो, अनि कर उठाउनेचाहिँ शरीरको पापको लागि दोषी थियो । घमण्डले फरिसीको लागि स्वर्गको ढोका बन्द गरिदियो, अनि नम्रताले कर उठाउनेको लागि स्वर्गको ढोका खोलिदियो । फरिसीले आफू निर्दोष भएको बतायो तर दोषी भएर घर फक्र्यो । कर उठाउनेले आफू दोषी भएको कुरा स्वीकार ग¥यो अनि निर्दोष भएर घर गयो । ध्यान दिनुहोस्, यहाँ उसले दयाको लागि सामान्य शब्द प्रयोग गर्दैन । यहाँ प्रयोग गरिएको शब्द हिब्रू शब्द किप्पुर बाट आएको हो जसको अर्थ ‘प्रायश्चित’ हो । जस्तै, योम किप्पुर भन्ने चाडमा यो प्रयोग गरिन्छ जसको अर्थ ‘प्रायश्चितको दिन’ भन्ने हुन्छ । प्रायश्चित जनाउने शब्दको अर्थ ‘छोप्नु’ भन्ने हुन्छ । यहाँ कर उठाउनेले यसो भनिरहेको थियो, ‘हे परमेश्वर, तपाईंले मेरो बारेमा पहिले नै थाहा पाएको कुरा सत्य हो भनेर म स्वीकार गर्दैछु । म पापी ह्दय भएको पापी मानिस हुँ । हे परमेश्वर, कृपया मेरो पाप ढाकिदिनुहोस् ?’ उसलाई बचाउनको लागि परमेश्वरले उसबाट त्यति मात्रै सुन्नु आवश्यक छ । अनि तपाईंलाई बचाउनको लागि पनि परमेश्वरले तपाईंबाट त्यही स्वीकारोक्ति सुन्नु आवश्यक छ ।किनकि हामी सबैलाई उही अनुग्रहको आवश्यकता पर्ने भएकाले पाप स्वीकार गर्नुको अकोै विकल्प छैन ।
आत्मिक भोजनः दानिएल १:३–२१ दानिएल ५:११–१२ दानिएल ६:१०–२८ दानिएल ९:१–१९
The Word for Today is authored by Bob and Debby Gass and published under licence from UCB International Copyright © 2024
